جتنا بني كوفان دفعات * رايات تترى باثر رايات نزلوا يخويه اعلى المسنات * لزموا علينه ماي الفرات عباس مدعي اخيولها اشتات * حدسها أو تتعثر ابها مات لمن خلص علماي طبرات الخيل اجت لينه مغاوير * كلها مداريع أو مشاهير بالخيم بس نسوه مذاعير * شافو لمع ذيچ الغدادير فرن لخوهن ظنن ايجير * شافنه نايم مستحير من علته ما هو جدير * والعسكر الجاهن چثير اعلى الخيم كلها مستدير * لو بن سعد آمر بالمسير شال ابوكت حر الهجير * سج ابدرب كله عواثير والجرى اعلينا ابداما يصير في وصية الحسين ( ع ) لزينب ( ع ) اوصيچ يا زينب بالعيال * لوطوح الحادي بالجمال عينچ وحطيها امن الاطفال * تدريهم اربات الدلال أو عن الشمس يرد الهم اظلال * ونظري على السجاد لومال ادري عليل أو صار بيحال يحسين توصيني بالايتام * حرمه أو طحت ما بين ظلام اولالي عشيره اولا عمام * والنوق جابوها اللئام

45